عـذاب الـهجرة

بقلم: حورية البغاغي

حلمت وفقت ولقيت راسي نفكر ..................... نهاجر بلادي ونمشي نشوف زهر
ياك قالوا هناك فبلاد الغرب .....................عمل و فلوس تحي القلب

حلم تحقق و صبحت فبلاد الناس .....................ببنهار خدامة والليل والو نعاس
جريت و جاريت باش نرد لفلوس ....................هايدا صبحت حياتي كلها عذاب
ماتجبر معاك لا صحاب لا حباب

تفكرت بلادي المغرب هزني ليه شوق كبير........صبرت انا على غلبي فالغربه كثير
ورجعت لبلادي جايبة معايا الخير......................لقيت الفرحه فعيون الكبير والصغير
يا سايل على الغربة سمعني نوصيك .....................لا تهاجر راه الغربة عذابها يدميك
ترب بلادك كنز تهلى فيه يرضيك .......................عشق بلادك وخليها تفتخر بيك

فبلادي فضلت نعمل مشروع....................وبلاد الغربة مابقى لي فيها رجوع
تزهر بلادي ويخدمو أولاد بلاد.................نتهنى من لقهر و يرتاح المراد