فين حـقـنا

بقلم: رمسيس بولعيون

لعل متتبعي جديد أغاني الراب المغربي يعرفون جيدا عنوان هذه المقالة، لأنه بكل بساطة عنوان أغنية رائعة حاقدة على الوضعية مشتركة بين المتمرد مسلم الرابور الطانجاوي والثوري الشحط مان الرابور الكزاوي. لن أتحدث عن الأغنية كونها أغنية عابرة فقط، ولكني سأحاول إستخلاص الرسائل القوية التي يحملها هذا العمل الإبداعي. وكيف يعبر عن وعي الشباب بقضايا المجتمع وغيرته على مصلحة الشعب والمواطن المستضعف.

وكيما كا نقولو بالدارجة أن هذه الأغنية جات باش تقول صافي راه و صلات للعظم، عيينا من الشفارة لي مسييرين هاد لبلاد، عيينا من كدوب الدولة علينا.

وهي لا تعبر فقط عن حقد مسلم والشحط مان على الوضعية المزرية التي تعيشها البلاد بل عن حقد كل المغاربة شبابا رجالا و نساء. حقد على كل ما هو فاسد ومغشوش في المغرب.

تأتي أغنية فين حقنا في الوقت الذي أصبحت فيه الأغنية الملتزمة والهادفة قليلة جدا،وإنتشرت أغاني الزبالة بغيني نبغيك وهزان طروفة. فبإمكاننا القول أنه ومن جيل ناس الغيوان لم نسمع أغاني كتفيق الشعب وتتحسسه بالمسؤولية التي عليه من أجل الوقوف والقول لا لهاد الناس لي غادين نهار مور نهار كياكلونا فحقنا.

فين حقنا نقولها كل يوم في المقاهي وفي الجلسات الخاصة، سؤال يطرحه الكل على نفسه دون القدرة على الجهر به، والبحث عن فين مشات ثروات البلاد وخيرها لكثير. مثل هذه الأعمال والأغاني الجريئة هي التي نحتاج في هذا الوقت بالذات، لأن الأغلبية ماشية غالطة، حساب ليها أن كل شيء تغير في حين الحقيقة هي أننا مزال كيما كنا ومتبدل والو فالبلاد، خداو اللب وخلاو لينا لقشور.

مازلنا نعيش كعبيد في وطننا تتحكم بنا طبقة بورجوازية تملك كل شيء، ونحن مجرد آلات نعمل لتظخيم أرصدتها البنكية وتقوية سلطتها، تسيطر على عقولنا وجيوبنا تريدنا أن نبقى كما نحن عبيدا نستغل كالحمير دون أن نحتج أو نصرخ ونقول كفى، تستغل سذاجتنا لتمرير ما تريد تمريره. تترك لنفسها وللمقربين منها المراكز المهمة والوظائف السامية، ونحن أبناء الشعب والطبقة الكادحة لنا البطالة وإن رفضناها فيكرموننا بالزرواطة. هذه الطبقة تنهب أموال الشعب بالملايير وتهربها للخارج ولا تعاقب، والأبرياء تلفق لهم تهم بالإختلاس ويسجنون، طبقة تكذب على الشعب بتصريحاتها عبر التلفزات والإذاعات والصحف ولا تقمع، وعندما يتجرأ النزهاء من الصحافيين ويفضحونها ينفون خارج الوطن لكي لا يسمع صوتها. هذه هي الحقيقة يعرفها الكل ويتهرب منها الأغلبية لكي لا تصطدم بهذه الطبقة اللعينة التي تقمع كل من يقف في طريقها بدون رحمة ولا هوادة.

ولأعود من جديد للأغنية الثورية فين حقنا فهي تجاوزت الوصف الروتيني للمعاناة وذهبت لحد وضع النقط على الحروف وتوضيح ها أش باغيين فعندما يطرح مثلا الشحط مان فالكوبلي ديالو سؤال من حجم فين حقنا في الفوسفاط؟؟. فهو يبرز من خلاله أن هناك ثروة في البلاد لا يستفيد منها الشعب. وعندما يضيف يقول الخوصصة لبلاد بركا تتباع، عندنا جوج بحور وحوتنا على لبلدان داع فهو يحلل الواقع بطريقة بسيطة ولغة مفهومة غا توصل لداك لي مقاريش واللي ما فهمش.

وحين يقف مسلم في نفس الأغنية، فين حقنا ويشير لنقطة مهمة في الكوبلي ديالو وهو يقول عطيطوني جنحين وقوتولي ماتحلمش طير أش نعملو بحرية التعبير بلا تغيير، يبرز من خلالها أن بعض المكتسبات لا معنى لها إن لم تغير من واقعنا إلى الأحسن. ويوضح دائما بكلماته محال تحسوا بنا حنى فواد ونتوما فواد، أن المسؤولين لا يشعرون بما نعانيه من مشاكل وأزمات لأنهم هم في نعيم ونحن في جحيم.

والمزج بين الجرأة والدقة في تناول المواضيع والمرور من وضع الصور العابرة عن معاناتنا لتحليل وتبيين مكامن الخلل هو ما يميز هذا العمل الفني. والحقيقة يجب قولها إن أغنية فين حقنا تبرهن أن مغني الراب في مواضيعهم أقرب بكثير لهموم المواطن عكس ما يصرح به أعداء هذا الفن إن صح التعبير. وأخيرا صافي باركا ما نسكتو ونشدو لقنات راه جا الوقت لي نخرجو فيه ونقولو فين حقنا بصوت واحد.

إليكم كلمات الأغنية فين حقنا وقراوها وفهمو الميساج ونتوما حكموا.

الشحط مان+

معاك الشحط مان كيما معاك مسلم

جيت اليوم ثوري معايا متمرد

جينا ضد نديرو الرد على حقنا لي ضاع

جينا ضد ولبد نفيقو الشعب لي صاع

خوصصة لبلاد بركا تتباع

عندنا جوج بحور وحوتنا على البلدان داع

السردين عندنا غالي المسؤول شفر سرط بلاع

أرض فلاحية والخضرة عندنا ساويا

مطيشة عندنا غاليا

الناس الفقراء كاويا

فين حقنا في الفوسفاط ولي جبدو مات

جبدنا اليوم الأوجاع وخا لي فات مات

مال الناس نسات واليوم الحرب بدات

أيام الرصاص مشات

مصيبة صبتنا والكلاب كلونا في حقوقنا

الله ينعل لي قال سكتو ماشي سوقنا

واليوم علات أصوتنا تا يبان لي غدرنا

منخاف من حد نخاف ملي خلقنا

+ مسلم

دولة الحق والقانون

والشعب فوق الكانون

وباش ما يسمعوا صداعو عطاوه كمنجة وقانون

والدنية مال وبانون

والمزانية فقد التوازن

والينا عايشين فالأمازون

كتشموا أكسجين و تبيعونا ثاني أكسيد الكاربون

حسبتونا بالقرون حسبناكم رجال

وطلعتو د الكرتون

وبدات الثورة ديال التمرد وبان العربون

عطيتوني جنحين وقوتلي متحلمشي الطير

أش غا نعملو بحرية التعبير بلا تغيير

مبغيتش صوتي يبقا غير صدا فقاع دل البير

بغيت العالم يسمع بلي باغين غير الخير

بغيت حقي ما يبقاش فجيب الخونة

ويدا كونا بيض وكحل علاش نبانو بصورة ملونة

أياو الشحط الحالة مرونة

الثوري ومتمرد أسماء بالأحمر مدونة

+ الروفران2

الحقوق الديعا د الناس الجايعا

فيد الناس لي ضميرها بايعا

بالروح بالدم

بالتمرد والثورة

جينا نبدلو كاع الوجوه المزورة

+ الشحط مان

فين حقنا في الذهب وفين حقنا فالنقرة

حقنا غير فالدرب و القميع فالهدر

ملقيتو مندويش الشعب باغي غير السترة

لا صحافة لا راديو و زيد حتى التفي لي سترة

واش بغيتو نحاربوا نهزو السلاح من دابا

على بلادنا ندافعوا وخا تكون قدامي دبابا

خلصونا فشوماجنا في البلاصة ديرو لجنة

باش إبان لي قاجنا

ناس عيشا مسجنا

جبتو علينا بترول وكولتو راها غلطة

بترول تحت الأرض سياسة علنا مسلطة

نقدر نكون غالط فهاد لكلام لي قولتو

بغيت غير نفهم عنداك على التسلتو

بغيت حقي فسبتة و زيد حتى مليلية

واش أنا مسطي

كثرة الدوز شوية

أنا غير الشحط مان أك الثوري

جاي مع الشعب لي لحقو يبغي

+ مسلم

نكتب بدمي على حال هاد لبلاد

محال تحسو بنا نتوما فواد وحنا فواد

أحلام و لاد بلادي دغيا كتولي رماد

كيشوفو المستقبل جحيم وهما فيه عواد

ويدا كتبان ليك هانية هود التحت وشوف

كلما زتي هبطي غا تخلعك الظروف

غا يبان ليك الفقر ماشي غير حروف

محال يخرج لي الشمس لي التربا فالكسوف

توازن المجتمع مبني على تناقضات

محال الإجرام يخلق فين خلقوا القضاة

محيت لخلق فالخايب محال يعيش فالزوين

محيت كاين ولد الكاريان وكاين ولد التوين

وأنا والثوري اليوم في برلمان الشارع

قلنا غير الحق والحق هو الواقع

بلادي تبقا بلادي وخا حقي فيها دايع

والتمرد ثورة على حقنا لي يتبايع