محمد السادس.. عنوان قصيدة شعرية أمازيغية للشاعر الحسن الموساوي

الشاعر: الحسن المساوي

ءاذِنيــغْ بازْ بازْ سْ- يِــري ءنو ذزيرارْ

لَلاَّ ثامورثْ ءنو ءادجَّاخو ءثَـــضهـــارْ

ءادجَّاخو ءذاياسْ ءازْري ذِغا نَــخْــزارْ

ما ثوحَــذْ غا ثاغْزوثْ ءاوارْ خاسْ ذزيرارْ

كورْشي قاعْ ءبَــذَّ رْ ءامْ ثانْــدينْــتْ ءامَدْشارْ

كورْشي قاعْ ياتْــواسَّــكْ كورْشي قاعْ ءنَــوَّارْ

محمذ السادسْ ءبَـــدَّانْ خِ- جوضارْ

وياجِّي ثِنَـــدَّامْ وَياجِّي بورَبْــحارْ

وياجِّي مارَتْشيكا وَياجِّي بويَـــفارْ

وَياجِّي ءاعَــرْوي ءورا ذزْرو هَــمَّارْ

وَياجِّي ءازْغَـنْغانْ ءورا تْــراثْ نْ- وذَرارْ

ءانَــكَّـــثْ فوسْ كْ- فوسْ ءانَــسْمونْ ثِزَمَّــارْ

ءانَــسْمونْ ءاسيرَمْ ءانَـــسْمونْ ءامَــهْيارْ

ءانَسْمونْ ءصورافْ ءانويورْ خِ- جو ضارْ

ءانَسْمونْ ءامَازولْ ءانَسْمونْ ءاحَــجَّارْ

ءانَــسْمونْ ثِواشا سَ- رْميزانْ ذْ- رَعبارْ

حوما ءانَــغْ ثاشــْنا، ءامَحْضارْ ءاذِغارْ

ءانَــزَّرْ خْ- رَغْــبَنْ ءانَزَّرْ خوسَعْقارْ

ءانَــسّــيــغْ ثِفاوينْ ءانَــسَّــخْــسي رَفنارْ

ءانَـــشَدْ ءهارْكوسَنْ ءانِرارِ خ- ثْـــنَــهارْ

محمذْ السادسْ ءامَزْذاكْ نْ- وَزْوارْ

ءامَزْذاكْ نْ- وورْ ءياشْــثينْ ءمَعْضارْ

ءعِيزْ خْ- وورْ نَّاغْ ءتاخْـسيثْ رْخــضارْ

ءاذريغْ ءاذِنـيغْ سْ- يِري ءنو ذَزيـرارْ

محمذْ السادسْ ءاجَـدجِّيـذْ ءامَــهْيارْ

ذِثمورْثْ نَّــغْ ءعِزَّانْ رَذِجْ ما يَـــمَّــنْدارْ

ءايا سذي ربي ءانِــييـاسْ ذِرَعمارْ

ءانِــيياسْ ذِثوذارْثْ ءانيـياسْ ثِزَمارْ

ناشِّـينْ ءريـفَــيَّـا رَبْدا كِـذاسْ نَحْـضارْ

باريس يوم 16/4/10